دیری دیری چورومک

نه چتین دی دیری دیری چورومک

چورودوم چورودوم چورودوم  کمک

اجل منی یارالییب اویناد ما

یا آل بو جانیمی یا مندن ال چک

 

تقدیم به استادم جناب آقای حسن تقی زاده کرمانی

بو غزلی عزیز استادیم حسن کرمانی جنابلارینا یاز میشام .   لازیم دی عرض ائلییم کی استاد حسن  کرمانی آذر بایجانین و ایرانین بویوک خط اوستاد لاریندان ساییلیر و گوزل خط یازماغیلا بئله آواز  اوستادی دی.

نئجه تبریک ائلیم بیر بئله معنانی سنه

ایستیرم صیدقیله قوربان ائلییم جانی سنه

قلمون سیرده تفسیر ائلییر والقلمی

ائله بیر شرح ائلییب حق اوزی قرآنی سنه

همتون عرشه اوجالدیب باشین اوستادلیقین

فخر ائدیر بو اوجالان رتبه ی روحانی سنه

لحن داوویله خوش خطی عجین ائله میسن

نئینیسن گر وئره لر ملک سلیمانی سنه

نه دییب سن او گوزللیک یارادان خالیقیوا

کی بو دونیاده ائدیب جنتین ارزانی سنه

داها هر شهره گئدیب گزمه چراغ الده حکیم

گل بو تبریزه کی من گوسترم انسانی سنه

قوجامان شهریم اگر سن ده بیتیب نستعلیق

ینه فخر ائیلییرم باغلیدیر ارکانی سنه

یئر وئریب عشقووا چوخداندی حنیفین اورگی

ایسته سن تحوه مرکب دی اونون قانی سنه