دیری دیری چورومک
نه چتین دی دیری دیری چورومک
چورودوم چورودوم چورودوم کمک
اجل منی یارالییب اویناد ما
یا آل بو جانیمی یا مندن ال چک
+ نوشته شده در پنجشنبه بیست و هفتم فروردین ۱۳۸۸ ساعت 2:22 توسط محمد حنیفه نژاد
|
تقدیم به استادم جناب آقای حسن تقی زاده کرمانی
بو غزلی عزیز استادیم حسن کرمانی جنابلارینا یاز میشام . لازیم دی عرض ائلییم کی استاد حسن کرمانی آذر بایجانین و ایرانین بویوک خط اوستاد لاریندان ساییلیر و گوزل خط یازماغیلا بئله آواز اوستادی دی.
نئجه تبریک ائلیم بیر بئله معنانی سنه
ایستیرم صیدقیله قوربان ائلییم جانی سنه
قلمون سیرده تفسیر ائلییر والقلمی
ائله بیر شرح ائلییب حق اوزی قرآنی سنه
همتون عرشه اوجالدیب باشین اوستادلیقین
فخر ائدیر بو اوجالان رتبه ی روحانی سنه
لحن داوویله خوش خطی عجین ائله میسن
نئینیسن گر وئره لر ملک سلیمانی سنه
نه دییب سن او گوزللیک یارادان خالیقیوا
کی بو دونیاده ائدیب جنتین ارزانی سنه
داها هر شهره گئدیب گزمه چراغ الده حکیم
گل بو تبریزه کی من گوسترم انسانی سنه
قوجامان شهریم اگر سن ده بیتیب نستعلیق
ینه فخر ائیلییرم باغلیدیر ارکانی سنه
یئر وئریب عشقووا چوخداندی حنیفین اورگی
ایسته سن تحوه مرکب دی اونون قانی سنه
+ نوشته شده در دوشنبه بیست و چهارم فروردین ۱۳۸۸ ساعت 0:46 توسط محمد حنیفه نژاد
|
گوزل
بوشعر منیم ترکی دیلینده اولان اول غزلیمدی اونی یازاندا ۱۷ ایل دونیادا یاشامیشدیم .
ای گوز لری گوزل لری گوزدن سالان گوزل
گئدمه او نازیله من اولوم بیر دایان گوزل
فکریم بودور کی جانیمی قوربان ائدم سنه
گوستر او گول جمالینی آل نقد جان گوزل
مین لر صفای صبح او شهلا گوزوندا وار
کیپریک لرین چالان دا اولوللار عیان گوزل
من کعبه ی جمالوا تک سجده ائتمیرم
النجم و الشجردی سنه یسجدان گوزل
اول گلنده آی گوه گورجک جمالوی
تعظیم ائدیر کی قامتین ائد میش کمان گوزل
گوستر کمانی قاشلاری تیر خلاصی ویر
قویما بو یورقون عاشقوی نیمه جان گوزل
زلفون هماسی سایه سالیر حیف شانیه
شانه نه دیر مگر قوری بیر استخوان گوزل
شهد لبوندا آب حیاتی گورور حنیف
وئر بیر پیاله منده اولوم جاودان گوزل
+ نوشته شده در سه شنبه چهاردهم خرداد ۱۳۸۷ ساعت 0:39 توسط محمد حنیفه نژاد
|
اگر گله غزل لریم
هــوالجميــل
اگــر گلـه غـــــــزللـريم او دلبــريــن دوداقينا
چاتار منيـم بو همهمـم گــوي اهلينيـن قــولاغينا
او نازنين بولمّـديم او لحـــني هاردان اورگشيب
كي سحر اديبـدي روحـومي چكير مني سراغينا
دئمه غروري قويمادي غـروري اولماز عاشقين
حيـا اجــازه وئرمـدي گئـدم دوشـم آياغينا
ندير وجودي شاعرين جنون چؤلونده بير آغاج
كـي يوخليــار نگـاريني قـوناندا قوش بوداغينا
حنيفه طعنه ويرميون كــــــي عشقـينين اسيري‌دير
اوزونده يوخدو چاره‌ســــي باخـــــــون سوزونده داغينا
+ نوشته شده در شنبه بیست و چهارم فروردین ۱۳۸۷ ساعت 10:14 توسط محمد حنیفه نژاد
|
آتدین منی
هـوالجميـل
آتدين مني گتــدين ولي فيكر ايتمـه سنم من
امّيـــد وصال اولماسا الـــدن گــدنم من
حسنوندا منيـم يوخ طمعيـــم لـذّته خـاطر
سن نن ملكــم عالمــه گـر اهــرمنم من
من نن يي اولان چوخدي سنون دور و بروندا
سن نن سورا حور اولسادا حاشا بگنــــم من
بير لحظه كي مست ايتدي مني نازلي خطابون
تا وار نفسيــم ســرخوش او پيمــانه‌دنم من
عشق اهلـي اولان شهـريده مسكـن سالا بيلمز
آلاله كيمـي زينـــت دشـــت و دمــنم من
ويرانه‌‌ده گنجينـــه بو تزليقـــدا تاپيـــلماز
داشليقــــدا تيكانليقـــدا بيتـــن ياسمنم من
عشقيـن اثرين گورمگــــه ياد ايلــه حنيفـــي
گل گــور نجه هجــــروندا اسير محنـــــم من
حنيف 1372
+ نوشته شده در شنبه بیست و چهارم فروردین ۱۳۸۷ ساعت 10:7 توسط محمد حنیفه نژاد
|
ژاپن مدیری
بنام خدا
ژاپن مديرلرينـــــدن سوروشــدولار بو سوزي
ندن دي اختـــر بختـوز سيــزين درخشــــاندير
سو اورتاسيندا بو دورد پارچا تورپاغين نئي وار
سيزي غـني ايلـين هانــسي گنـــج شـــايان دير
نه نفتي واردي سيـزين كشــورين نه معـدني وار
بو يوخلــوقيــلا نه‌دن ايــولـريز چــراغـاندير
جواب اولــوندي بيــزيم يرده يوخـدي گنـج نهان
محل زلــــزله‌دير سيــل و آتـش افشــــان دير
بير آيـــــري معـــدنه ال تاپمــشوخ تفكــريله
كي يوخ قــوتار‌مـاسي گنجـــينه‌سي فــراوان‌دير
نه قــــدر خـرج ائـديــروخ آرتــيريربو سـرمايه
سيزين ديلــــــوز مثلــــي سفـــره سليـمان‌دير
يرين گــويون بئـــله بيـر معــــدني اولار هيهات
اگرچه آختــاراســان تاپمـــاغـي چوخ آسان‌دير
چاليشميـشيق كي چيچكــــلنديراخ چيخارلاري بيز
او معــــدني كـي قـــوتارماز نهــاد انســان‌دير
جوان اشيد بو ســوزي سنـــده واردي استــعداد
چالــيش كي ال تاپاســـان سنــده گنـج پنهان‌دير
حنيف 1375
بنام خدا
ژاپن مديرلرينـــــدن سوروشــدولار بو سوزي
ندن دي اختـــر بختـوز سيــزين درخشــــاندير
سو اورتاسيندا بو دورد پارچا تورپاغين نئي وار
سيزي غـني ايلـين هانــسي گنـــج شـــايان دير
نه نفتي واردي سيـزين كشــورين نه معـدني وار
بو يوخلــوقيــلا نه‌دن ايــولـريز چــراغـاندير
جواب اولــوندي بيــزيم يرده يوخـدي گنـج نهان
محل زلــــزله‌دير سيــل و آتـش افشــــان دير
بير آيـــــري معـــدنه ال تاپمــشوخ تفكــريله
كي يوخ قــوتار‌مـاسي گنجـــينه‌سي فــراوان‌دير
نه قــــدر خـرج ائـديــروخ آرتــيريربو سـرمايه
سيزين ديلــــــوز مثلــــي سفـــره سليـمان‌دير
يرين گــويون بئـــله بيـر معــــدني اولار هيهات
اگرچه آختــاراســان تاپمـــاغـي چوخ آسان‌دير
چاليشميـشيق كي چيچكــــلنديراخ چيخارلاري بيز
او معــــدني كـي قـــوتارماز نهــاد انســان‌دير
جوان اشيد بو ســوزي سنـــده واردي استــعداد
چالــيش كي ال تاپاســـان سنــده گنـج پنهان‌دير
حنيف 1375
+ نوشته شده در شنبه بیست و چهارم فروردین ۱۳۸۷ ساعت 10:1 توسط محمد حنیفه نژاد
|
سن سیز ای گل
هــوالجميــــل
سن سيز اي گل نينيرم غملرده یانمیش جاني من
سـن مني ترك ايلسـون ترك ايلـرم دنيـاني من
عشـــق ميـــدانينـدا شمشيــر جفــا مشتـاقيــم
صدقيلن باشدان گچوب بوش قويمارام ميداني من
توتدوغـوم يولدان سنيخ چيخسـامدا ئوز قيترمرم
سينـديرار پيمـان مني سينديـرمارام پيماني من
مكتب عشــق ايچره تحصيل ايتميشم درس جنون
مسنــد حكمت ده مبهــوت ايلــرم لقمـانــي من
سـن گــدننـن گوشـه هجـرانـدا نالانـديـر حنيف
آهيلـن سسلـر گــل اولام مقدمـون قـربانـي من
همدان شهريور 1373
+ نوشته شده در شنبه بیست و چهارم فروردین ۱۳۸۷ ساعت 9:52 توسط محمد حنیفه نژاد
|
هـــوالمحبــوب
ال وئر منـه گـول تــا او گـول اللــر منيــم اُلسون
دينــدير مني تــا اُدلـي غــزل لـر منيــم اُلسون
بيلّــم سنـي مـن هامـي گـوزل لــرله بــرابــر
اُول ســن منيلن هامِــي گوزل لــر منيـــم اُلسون
زاهـد دِدي حــور اصــل دي معشــوقه بـدل ديــر
وِرديم اونــــا مـــن اصلــي بُـدل لـر منيم اُلسون
ذوق اولســا عبـادتــدي گــوزلليـك لــره باخماخ
بيـرجلويـه گــل ياخشــي عمـل لـــر منيم اُلسون
بيلســم اجليـــم وار سنيلــن مــن بيـــر اولاندا
خوشـدور منــه عشقــوندا اجل لــر منيــم اُلسون
غــم نَن آغــاريـر زلفـــي جـوانليقــــدا حنيفين
هجــرونـدا روا بيلمـــه خــزل لــر منيــم اُلسون
حنيف- تابستان 79
+ نوشته شده در سه شنبه بیستم فروردین ۱۳۸۷ ساعت 1:57 توسط محمد حنیفه نژاد
|
داشان پیمانه
دولوب ايسـتك شرابيـندان داشـان پيمـانه دير كونلوم
نه پيمـــانه! اگــر درد اهليــسن ميخـانه ديـر كونلوم
نه تاثيــري منـي داناخ داشيـــنان ورســا غافيـــل لر
وفا شهــرينده اوزدن گتمــه ين ديوانـه ديـــر كونلوم
كوچر قوشلار كيمي كاشانه سيز ليق دان غميم يوخدور
بودور فخـريم كي جانان عشقـينه كاشــانه دير كونلوم
يقيـن ديــر آشنـــا لــر سـرّينـي بيــگانه لـــر بولمز
سنيـــلن آشنـــا ديـر هامّـــيا بيـــگانه ديـر كـونلوم
وفاي نابـي آختـــارســـون حنيفــي بيـــرده ياد ايله
كي آهيــلن او گنـــجي گيــزلدن ويـرانه ديـر كونلوم
(حنيف فروردين82)
+ نوشته شده در شنبه بیست و نهم دی ۱۳۸۶ ساعت 23:0 توسط محمد حنیفه نژاد
|
انتظار
یارب كونــول فراقيــنا يانسيــن نواختاجان
دلداريمـيز گوروشــده يوبانسين نواختاجان
يوخدور ديــيَن طبيـبه كي بيماري جان وئرير
غم بستـــرينده اوُيسون اوُيانسين نواختاجان
گوزلـر گوزوم افــق لارا باخماق دا بیر گونش
جان غصــه دن بوغــازدا دايانسين نواختاجان
خنجـر قانـادلي لاله لـرين داغــداريــوخ
تورپاخ بويــِرده قـانه بويانــسين نواختاجان
سن وعده وِيرميسن قوروداخ فتــنه ريشه سين
هرگون بيــرآيري فتــنه‌يارانـسين نواختاجان
آزاده يوخسولون گــوني گونـدن بَتـر گليـر
هِي دردي دردين اوسته قالانـــسين نواختاجان
اِئتــدي طمع ربــاني مسلمــان لارا حــلال
قـان سورماغا بو عـــده دادانــسين نواختاجان
گَل دينــين عـــزتين هــاميا آشـــكار اِئله
زاهــد ريـاده عــزتي قانــسيــن نواختاجان
گَل عــدلي برقــرار ايلـه جَــدّون علي كيمی
رشــوت ييَــن حقيــقتي دانـسين نواختـاجان
بسدير> حنيـف< شعــري چـووردون شكـايتــه
ايشدن گئچيبدي ايش سوز اوزانسين نواخــتاجان
حنيف- 1375
+ نوشته شده در جمعه بیست و هشتم دی ۱۳۸۶ ساعت 1:49 توسط محمد حنیفه نژاد
|
حورمتلی گورن لری سلام لییرام .